निस्सा वितरणमा गुलरिया नगरपालिकाको विभेद

दीपक शर्मा 

२३ माघ बर्दिया । बर्दियाको गुलरिया नगरपालिकामा निस्सा वितरणमा समेत विभेद गरेको पाइएको छ ।  बर्दियाको गुलरिया नगरपालिका वार्ड न ९ मा निस्सा वितरणमा विभेद गरिएको हो ।

पालिकाले नगरका अन्य वडाहरुमा घरपरिवारका अन्य सदस्यहरूलाई मुल धनि नभएपनि निस्सा वितरण गरिरहेको छ भने वार्ड न ९ मा सम्बन्धित व्यक्तिलाई मात्र वितरण गर्ने गरिएका कारण वडावासी समस्यामा परेका हुन । 

रोजगारीका लागी भारत लगायत अन्य देशमा रहेकाहरू तत्काल आउन नसक्ने भएपछि उनका आफन्त तथा घरका मानिसलाई दिने परिपाटि भएपनि सो वडामा दिइएको छैन । यसले गर्दा भारत लगायतका अन्य देशमा रोजगारीमा गएकाहरू रोजगार नै छोडेर आउनु पर्ने वाध्यता रहेको छ । यस विषयमा वुझन खोज्दा वडाध्यक्ष हरी प्रसाद पासवानले सम्बन्धित व्यक्तिलाई नै दिने गरिएको बताए।

यता यस सम्बन्धमा नगरपालिकामा समेत निवेदन परेको बताइएको छ । नगरपालिका मौन बसेका कारण निस्सा लिनका लागी आएकाहरुको रोजगारी गुमेको छ भने अझै निस्सा नपाएको बताउदै आएका छन । नगरपालिकाको अपरिपक्व निर्णय र जनताका समस्या के छन भन्दा पनि आफनो अनुकुल काम गर्ने गरेको पाइएको छ ।