फिल्म ‘ऊनको स्वीटर’को फर्स्टलुक पोस्टर सार्वजनिक

२३ माघ, काठमाडौं । फिल्म ऊनको स्वीटर को फर्स्टलुक सार्वजनिक भएको छ । आर्टमाण्डुका नवीन चौहान निर्देशित फिल्मको पोस्टरमा नयाँ ऊनको स्वीटर लगाएर फोटो खिच्नलाई पोज दिइरहेका विपिन र गुरुङ पहिरनमा मिरुना लिसरा मगर देखिएका छन् ।

थुप्रै म्युजिकल फिल्म निर्माण गरेर लोकप्रियता प्राप्त गरेको आर्टमाण्डुले पहिलो पटक फिचर फिल्म निर्माण गर्न लागेको हो ।फिल्ममा विपिन र मिरुना लिसराको अलवा एलेक्स विश्वकर्मा, मिलन खत्री र माओत्से गुरुङको मुख्य भूमिका रहनेछ ।

आगामी दशैँमा रिलिज हुने बताइएको फिल्म इलाम र पाँचथरमा छायाङ्कन हुनेछ । निर्माण युनिट फिल्मको छायाङ्कनमा छिट्टै निस्कने तयारी गर्दैछ ।