झ्यामोलोङ्गले सर्वसाधारणहरुका लागि साधारण शेयर निष्कासन गर्ने

२५ माघ, काठमाडौं । कास्कीको माछापुच्छ्रे गाउँपालिकामा ३२ मेगावाटको करुवा सेती हाइड्रोपावर निर्माण गरिरहेको झ्यामोलोङ्गमा हाइड्रोपावार डेभलपमेन्ट कम्पनी लिमिटेडले  सर्वसाधारणहरुका लागि साधारण शेयर निष्कासन गर्ने भएको छ ।
 
कम्पनीले एक सय अंकित दरको  साधारण शेयर ५१,००,००० कित्ता 'आयोजना प्रभावित क्षेत्रका स्थानियवासी, नेपाल सरकारको सम्बन्धित नियकाबाट श्रम स्वीकृति लिई  विदेशमा रोजगारी गरिरहेका नेपाल नागरिकहरु तथा सर्वसाधारण समेत' का लागि निष्कासन गर्न एल एस क्यािपटल लिमिटेडलाई निष्कासन तथा बिक्री प्रबन्धक नियुक्त गरिएको छ ।

 साधारण शेयर निष्कासन कार्यको लागि कम्पनीको तर्फबाट कार्यकारी संचालक सुनिल नारायण श्रेष्ठ तथा एल एस क्यापिटलको तर्फबाट प्रमुख कार्यकारी अधिकृत  विजय लाल श्रेष्ठले सम्झौतापत्रमा हस्ताक्षर गरे ।
 
जारी पुँजी रु २ अर्ब ५५ करोड रहेको झ्यामोलोङ्गमा हाइड्रोपावार डेभलपमेन्ट लिमिटेडले करुवा सेती हाइड्रोपावर आयोजना निर्माण कार्य करिब ९० प्रतिशत सम्पन्न गरिसकेको छ ।