चौधरीले हडपेको बाँसबारीको जग्गा सरकारका नाममा फिर्ता ल्याउन मालपोतले निकाल्यो २१ दिने सूचना

२५ माघ, काठमाडौं । मालपोत कार्यालय काठमाडौंले अरुण चौधरीले हडपेको बाँसबारीको १० रोपनी जग्गा नेपाल सरकारका नाममा फिर्ता ल्याउन च्याम्पियन फुटवेयरका नाममा २१ दिने सूचना जारी गरेको छ । फुटवेयर हाल चाँदबाग रेसिडेन्सीका सञ्चालक समिति अध्यक्ष संजय ठाकुरलाई २१ दिनभित्र आफैं वा वारेसमार्फत उपस्थित हुन मालपोत कार्यालयले पत्र काटेको हो ।
 
चाँदबाग सिजी होल्डिङ्सअन्तर्गत सञ्चालित कम्पनी हो । यसका अध्यक्ष अरुण चौधरी, चाँदबागका ठाकुर र बाँसबारी छालाजुत्ता कम्पनीका तत्कालीन अध्यक्ष अजितनारायणसिंह थापा जग्गा हिनामिना प्रकरण मै पक्राउ परेका थिए । उनीहरू बुधबा, हाजिरी जमानीमा छुटेका छन् । सिआईबीले भने किर्ते र ठगीमा अनुसन्धान जारी राखेको छ ।