रामग्राम स्थुप ठेक्कासम्बन्धी सम्झौता रद्द गर्न सरकारलाई लेखा समितिको निर्देशन

२८ माघ, काठमाडौं । सार्वजनिक लेखा समितिले लुम्बिनी विकास कोषले रामग्राम क्षेत्रसँग सम्बन्धित सबै ठेक्का सम्झौता रद्द गर्न सरकारलाई निर्देशन दिएको छ । आइतबार सिंहदरबारमा बसेको समितिको बैठकले सो क्षेत्रसँग सम्बन्धित सम्झौता आजैबाट लागू हुने गरी खारेज गर्न निर्देशन दिएको हो । 

रामग्राम गौतम बुद्धको अस्थिधातु राखिएका ८ स्थलमध्ये एक मानिन्छ । यसलाई ९९ वर्ष सम्म प्रधानमन्त्री पुष्पकमल दाहाल प्रचण्डका घरवेटी शारादाप्रसार अधिकारीका छोराको कम्पनीलाई ठेग्गामा दिने सम्झौता भएको थियो । सो क्षेत्र विकासका लागि लुम्बिनी विकास कोषले काम अघि बढाएको थियो । 

कोषले अधिकारीका छोरोको ‘प्रमिस्ड ल्यान्ड’ भन्ने कम्पनीलाई सैद्धान्तिक सहमति प्रदानसमेत गरेको थियो । त्यसबारे विभिन्न प्रश्न उठेपछि लेखा समितिमा आइतबार छलफल भएको थियो । समितिको बैठकले उक्त ठेक्का प्रक्रिया सबै रद्द गर्न सरकारलाई निर्देशन दिएको हो ।