गृह मन्त्रालयले भन्यो, ‘फागुन १ गते सार्वजनिक बिदा छैन’

२९ माघ, काठमाडौं । गृह मन्त्रालयले भोलि फागुन १ गते सार्वजनिक बिदा नदिइएको जानकारी दिएको छ । सरकारले फागुन १ गते सार्वजनिक विदा दिने गरी गरेको निर्णय सर्वोच्च अदालतले उल्ट्याइदिएपछि सोमबार गृह मन्त्रालयले विदा नदिने जानकारी दिएको हो । 

गत वर्ष फागुन १ गते सार्वजनिक बिदा दिइएको थियो । गृह मन्त्रालयका प्रवक्ता नारायणप्रसाद भट्टराईले सोमबार सूचना जारी गर्दै फागुन १ गते मंगलबार सार्वजनिक बिदा कायम नरहेको उल्लेख गरेका छन् । संघीय सरकारले गत वर्ष फागुन १ मा बिदा दिएको थियो ।

सर्वोच्च अदालतले उक्त बिदा बदर गरिदिएको थियो । सर्वोच्चले बिदा बदर गरिदिएपछि गृह मन्त्रालयले सूचना निकालेर फागुन १ मा सार्वजनिक बिदा नरहेको स्पष्ट पारेको हो । विभिन्न स्थानीय तहहरूले भने फागुन १ गते सार्वजनिक बिदा दिने निर्णय गरेका छन् ।