विमानस्थलबाट ९६ हजार भारतीय नोटसहित टर्किस नागरिक पक्राउ

३ फागुन, काठमाडौं । प्रहरीले त्रिभुवन अन्तर्राष्ट्रिय विमानस्थलबाट ९६ हजार भारतीय रुपैयाँसहित एक जना टर्किस नागरिकलाई पक्राउ गरेको छ ।

बिहीबार बिहान साढे ११ बजे यूएईको सारजहाबाट आएका अब्दुला मियाँको साथबाट ५ सय दरको अवैध भारतीय मुद्रा बरामद भएको विमानस्थल प्रहरी प्रमुख प्रहरी वरिष्ठ उपरीक्षक कृष्णहरि शर्मा पोख्रेलले जानकारी दिए ।