आसपासका जिल्ला हल्लाउने गरी बझाङमा भूकम्प

४ फागुन, काठमाडौं । बझाङ केन्द्रविन्दु भएर आज बिहान भूकम्प गएको छ । बझाङको परकत्ने आसपास केन्द्रविन्दु भएर शुक्रबार बिहान ९ बजेर ३२ मिनेट जाँदा ४.४ रेक्टर स्केलको भूकम्प गएको राष्ट्रिय भूकम्प मापन केन्द्रले जनाएको छ । 

भूकम्पको धक्का आसपासका जिल्लामा महसुस गरिएको छ । गत वर्ष गएको बझाङ भूकम्पपछि अहिलेसम्म ६ सय भन्दा धेरै परकम्प गइसकेका छन् । आज बिहान गएको भूकम्प पनि बझाङ भुकम्पकै परकम्प भएको केन्द्रले जनाएको छ ।