प्रि–ओपन सेसनमा झिनो अंकले घट्यो नेप्से

६ फागुन, काठमाडौं । प्रि–ओपन सेसनमा नेप्से परिसूचक झिनो अंकले घटेको छ । चालु साताको पहिलो कारोबार दिन आइतबार प्रि–ओपन सेसनमा १.३७ अंकले घटेको शेयर बजार २०६०.६८ विन्दुमा पुगेर रोकिएको छ । 

यस सेसनमा ३१ कम्पनीको २ हजार ५२२ कित्ता शेयर किनबेच हुँदा १० लाख ९७ हजार ८५६ रुपैयाँको कारोबार भएको छ । यस सेसनमा १५ कम्पनीको शेयर मूल्य बढ्दा १४ कम्पनीको घटेको छ भने २ कम्पनीको शेयर मूल्य स्थिर रहेको छ ।