नेपाल एले क्यानडालाई दियो २१७ रनको लक्ष्य

६ फागुन, काठमाडौं । एकदिवसीय क्रिकेटमा नेपाल एले क्यानडालाई २१७ रनको लक्ष्य दिएको छ । क्यानडाले केहीबेरमा जवाफी ब्याटिङ गर्नेछ ।

मुलपानीमा टस हारेर ब्याटिङको निम्तो पाएको नेपालले निर्धारित ५० ओभरमा ८ विकेट गुमाएर २१६ रन बनायो । बसिर अहमेदको अर्धशतकप्रेरित नेपाल ‘ए’ ले तीन खेलको एकदिवसीय शृंखलाअन्तर्गत पहिलो खेलमा क्यानडा–११ सामु २१७ रनको लक्ष्य प्रस्तुत गरेको छ ।

आइतबार मूलपानीस्थित क्रिकेट मैदानमा जारी खेलमा टस हारेर ब्याटिङमा आएको नेपाल ‘ए’ निर्धारित ५० ओभरमा आठ विकेट गुमाएर २१६ रनको योगफल खडा गर्यो ।

नेपालका बसिर अहमेदले ५० रन बनाए । उनले ५५ बलमा तीन चौका र एक छक्का प्रहार गरे । १३६–६ को अवस्थाबाट बासिरले विवेक यादवसँग सातौँ विकेटका लागि ९७ रनको साझेदारी गर्दै नेपाललाई सम्मानजनक योगफलसम्म डोहो¥याएका हुन् । विवेकले ३४ बलमा एक चौका र एक छक्कासहित २१ रन थपे ।

यस्तै, राशिद खानले ४० रन बनाए । राशिदले ६६ बलमा पाँच चौका प्रहार गरे । ६–४ को अवस्थाबाट राशिदले किरण ठगुन्नासँग पाँचौँ विकेटका लागि चार रनको साझेदारी गर्दै नेपालको इनिङ सम्हालेका थिए । किरणले टिमको खातामा ३२ बलमा तीन चौकासहित २५ रन थपे ।