कांग्रेस वरिष्ठ नेता कोइरालासँग सुदूरपश्चिमका जिल्ला सभापतिहरुको महासमिति बैठकबारे छलफल

७ फागुन, काठमाडौं । नेपाली कांग्रेसका वरिष्ठ नेता डा. शेखर कोइरालाले पार्टीको महासमिति बैठक सुरू हुनुअघि सुदूरपश्चिम प्रदेशका जिल्ला सभापतिहरूसँग छलफल गरेका छन् । उनले महासमिति बैठकमा पेश हुने एजेण्डा र पार्टीको आन्तरिक विषयमा छलफल गरेका हुन् । 

सोमबार विहान कोइरालाको सचिवालय बालुवाटारमा भएको छलफलमा समसामयिक राजीतिक घटनाक्रम, महासमिति बैठक लगायत विषयमा छलफल भएकबो हो । छलफलमा अछामका पुष्प शाह, कञ्चनपुरका पदम बोगटी, बैतडीका चतुरबहादुर चन्द, डडेलधुराका भीम साउद, बाजुराका रामसिंह रावल, बझाङका खड्ग बोहोरा, डोटीका नरेन्द्रसिंह थापा र युवा तथा खेलकुद मन्त्री डिगबहादुर लिम्बू सहभागी थिए ।

कोइराला महासमिति बैठकमा पार्टी उपसभापति तथा महामन्त्रीहरूले पेश गर्ने राजनीतिक दस्तावेजहरूसँग सन्तुष्ट छैनन् । उनले महासमिति बैठकमा चुनावी गठबन्धन, निर्वाचन प्रणाली र भ्रष्टाचारका विषयमा महासमिति सदस्यहरुलाई कडा रुपमा प्रस्तुहुन निर्देशन दिएका छन् । 

आजदेखि ललितपुरको गोदावरीमा कांग्रेसको महासमिति बैठक सुरू हुँदैछ । बैठकको उद्घाटन कांग्रेस सभापति शेरबहादुर देउवाले गर्ने कार्यक्रम रहेको छ । त्यसअघि कोइरालाले सभापतिहरुसंग छलफल गरेका हुने आइतबार उनले महासमिति सदस्यहरुसंघ छलफल गरेका थिए ।