ठुलो परिमाणको गाँजा बरामद

७ फागुन, चितवन । चितवनमा ठुलो परिमाणको गाँजा बरामद गरेको छ । ना ३ ख ७२४० र ना ३ ख ६१२२ नम्बरको ट्रक चेकजाँच गर्दा ५ सय ४२ किलो गाँजा बरामद गरिएको ईलाका प्रहरी कार्यालय भण्डाराले जानकारी दिए ।

प्रहरीले ट्रक चालक ना ३ ख ७२४० नम्बरको ट्रक चालक धनकुटा छथर जोरपाटे गाउँपालिका ३ का ३२ वर्षीय रमेशनाथ दाहाल र ना ३ ख ६१२२ नम्बरको ट्रकमा सवार कपिलवस्तु बुद्धभुमी नगरपालिका ४ का २५ वर्षीय खुशिराम थारुलाई पक्राउ गरेका छन  । 

ईलाका प्रहरी कार्यालय भण्डाराबाटको टोलीले जाँदा सोमबार बिहान ८ बजे राप्ती नगरपालिका ३ झुरझुरे स्थित पूर्व पश्चिम लोकमार्ग सडक खण्डको छेउमा ना ३ ख ६१२२ नम्बरको ट्रक र ना ३ ख ७२४०नम्बरको डिब्बा ट्रक सामान पल्टी गरी शंकास्पद अवस्थामा रोकी राखेकोले दुईवटा ट्रकलाई चेकजाँच गर्ने क्रममा ना ३ ख ७२४० नम्बरको डिब्बा ट्रकमा लुकाई छिपाई राखेको अवस्थामा ३९ वटा पोकामा ५४२ किलो लागूऔषध गाँजा फेला परेको प्रहरीले जनाएको छ । 

गाँजा धादिङको मलेखुबाट ना ३ ख ६१२२ नम्बरको ट्रकमा लोड गरी उक्त स्थानमा ल्याई ना ३ ख ७२४० नम्बरका डिब्बा ट्रकमा पल्टी गरेको जिल्ला प्रहरी कार्यालय चितवनले जनाएको छ ।