७ औं राष्ट्रिय रनिङ शिल्ड दोहोरी गीत प्रतियोगिताको उपाधि कोटेश्वर-बानेश्वरले चुम्याे

८ फागुन, धादिङ । राष्ट्रिय लोक तथा दोहोरी गीत प्रतिष्ठान नेपालद्वारा आयोजित ७ औं राष्ट्रिय रनिङ शिल्ड दोहोरी गीत प्रतियोगिता २०८० को उपाधि कोटेश्वर-बानेश्वर शाखाले चुमेका छन् । उपाधिसँगै नगद ३ लाख रुपैयाँ, रनिङ  शिल्ड, मेडल र प्रमाणपत्र पाएका छन् । यस्तैगरी द्वितीय स्थान प्राप्त काेरिया शाखा समूहले नगद दुई लाख, मेडल र प्रमाणपत्र पाएका छन् । 

काेटेश्वर-बानेश्वर समूहबाट पुरुषतर्फ दीलिप थापा र महिलातर्फ बिमा अनुरागीले भाग लिएका थिए भने काेरिया शाखा समूहबाट पुरुषतर्फ टेकराज भण्डारी र महिलातर्फ तारा थापाले भाग लिएका थिए ।

तृतीय स्थान जापान शाखाले हासिल गरेका छन् । शाखाले नगद १ लाख रुपैयाँ, मेडल र प्रमाण पाए भने सान्त्वना स्थान प्राप्त अनामनगर समितिले नगद ५० हजार, मेडल र प्रमाणपत्र प्राप्त गरेका छन् । 

यस्तै तृतीय स्थान प्राप्त जापान शाखाबाट पुरुषतर्फ निशान्त वि.क. र महिलातर्फ सविता परियार थिए भने सान्त्वना स्थान प्राप्त अनामनगर समितिमा दीपक बानियाँ र सविता परियारले भाग लिएका थिए । 

यस्तैगरी उत्कृष्ट गायक सुमन खड्का र उत्कृष्ट गायिका तिर्सना बुढाथाेकीले पाएका छन् । उनीहरुले जनही २५ हजार नगद र प्रमाणपत्र पाएका छन् । 

विजेताहरूलाई संस्कृति पर्यटन तथा नागरिक उड्डयन मन्त्री सुदन किराँतीले पुरस्कार हस्तान्तरण गरेका थिए ।फागुन ५ देखि सुरु भएकाे प्रतियोगितामा ४८ समूहले भाग लिएका थिए ।