ट्याक्टर पल्टिँदा दुईको मृत्यु‍, ७ जना घाइते

९ फागुन, रौतहट ।  गढिमाईको मलाहीमा ट्याक्टर पल्टिँदा दुई जनाको ज्यान गएको छ भने ७ जना घाइते भएका छन् । इलाका प्रहरी कार्यालय गरुडाका प्रहरी नायव उपरीक्षक ओम प्रकाश शर्माका अनुसार मलाहीबाट आलु खन्न सर्लाही जाँदै गरेको ट्याक्टर दुर्घटना  हुँदा दुईजनाको मृत्यु भएकोे र सात घाइते भएका हुन् । 

दुर्घटनामा ट्याक्टर चालक रौतहट गढिमाई ९ का ५५ वर्षीय जयलाल सहनी र  ५० वर्षीय रामनाथ सहनी मृत्यु‍ भएको प्रहरीले जनाएको छ । उनीहरुलाई उपचारका लागि सिटी अस्पताल गरुडामा उपचारको क्रममा मृत्यु भएको हो । 

मृतकको शव परीक्षण लागि प्रादेशिक अस्पताल गौरमा पठाइएको गढिमाई नगरपालिका वडा नम्बर ९ का वडा अध्यक्ष हरिश्चन्द्र सहनीले बताए ।

उक्त ट्याक्टमा १७ जना सवार थिए । घाइतेमध्ये एकजना  उपचारपछि घर फर्किएका छन् । घाइतेको प्रादेशिक अस्पताल गौरमा उपचार भइरहेको ईलाका प्रहरी नायव उपरीक्षक खनालले बताए । बाँधमा विपरीत दिशा तर्फबाट आइरहेका मोटरसाइकललाई  साइड दिने क्रममा  ट्याटर बाँधबाट तल खसेको प्रारम्भिक अनुसन्धानमा देखिएको छ ।