संसद खुलाउन सभामुख घिमिरे अझै संवादमा

११ फागुन, काठमाडौं । दुई घण्टादेखि प्रतिनिधिसभा बैठक सुचारु ढंगले अघि बढाउन सभामुख देवराज घिमिरेले विभिन्न दलका प्रमुख सचेतकसँग छलफल गरिरहेका छन् । विपक्षी दलका सांसदहरूको विरोधका कारण प्रभावित भएको संसद बैठक खुलाउन सभामुखले संवाद सुरु गरेका हुन् ।
 
बिहान ११ बजे बसेको बैठकमा दलका सांसदहरूबीच विवाद उत्पन्न भएपछि घिमिरेले १५ मिनेटका लागि भनेर बैठक स्थगित गरेका थिए । दुई घण्टा बित्दा पनि बैठक सुरु हुन सकेको छैन ।  बैठक सहज रूपमा अघि बढाउनका लागि सभामुखको कार्यकक्षमा दलका प्रमुख सचेतक र सचेतकसँग सभामुखले छलफल गरिरहेको सञ्चार विज्ञ शेखर अधिकारीले जानकारी दिए । 

बैठकमा एमालेले गत पुस १३ गते बालकुमारीमा २ युवा प्रहरीको गोलीबाट मारिएको घटनामा भौतिक पूर्वाधार मन्त्री प्रकाश ज्वालाको राजीनामा माग गरेको छ । साथै सो छानबिन प्रतिवेदन सार्वजनिक गर्न पनि माग गरेको छ ।