थापाथली प्रसुति गृहबाट चाेरिएकाे शिशु काँडाघारीमा फेला, दुई महिला प्रहरी नियन्त्रणमा

१२ फागुन, काठमाडौं । शुक्रबार दिउँसो थापाथली स्थित परोपकार स्त्री तथा प्रसूति रोग अस्पताल परिसरबाट चोरी भएको २६ दिने शिशु भक्तपुरको काँडाघारीमा फेला परेको छ । प्रहरीले शुक्रबार राति ११ बजे भक्तपुरको काँडाघारीबाट शिशुको उद्धार गरिएको हो ।

प्रहरीले शिशु चोरेको आरोपमा दैलेख घर भएकी मनीषा भनिने मनकुमारी सिंहलाई पक्राउ गरेको छ ।  जिल्ला प्रहरी परिसर काठमाडौंको टोली मनिषासहित अर्का एक जनालाई पनि नियन्त्रण लिएको प्रहरीले जनाएको छ ।

उनीहरुलाई टेकुस्थित प्रहरी हिरासतमा राखिएको छ ।  थप सोधपुछका लागि मनिषाका श्रीमानलाई पनि बोलाइएको प्रहरीले जानकारी दिए ।