आजदेखि दादुरा-रुवेला खाेप अभियान सुरु, ९ महिनादेखि ५ वर्षसम्मका बालबालिका साहभागी हुँदै

१३ फागुन, काठमाडौं । आज देखी दादुरा–रुवेलाको खोप देशभर लगाइँदैछ । जाजरकोट र पश्चिमरुकुमबाहेकका ७५ जिल्लामा फागुन १३ देखी चैत ७ गतेसम्म खोप अभियान सञ्चालन गर्न लागेको हो ।

सो अभियान अन्तर्गत काठमाडौं जिल्लामा मात्रै ५ लाख ९७ हजार तीन सय पाँचजना बालबालिकालाई खोप लगाइनेछ । जसअनुसार काठमाडौंमा १ हजार ६ सय ७० खोप केन्द्र तोकिएको छ ।

विद्यालय र वडा कार्यालयमा रहेका स्वास्थ्य संस्थामा खोप लगाउने स्वास्थ्य मन्त्रालयले जनाएकाे छ । बिहान १० देखि दिउँसो ४ बजेसम्म खोप अभियान सञ्चालन हुनेछन् भने ९ महिनादेखि पाँच वर्षसम्मका बालबालिका खोप अभियान सहभागी हुँदैछन् ।

काठमाडौंका १० स्थानीय तहमा फागुन १३ गतेदेखि नै खोप अभियान सञ्चालन हुने भए पनि काठमाडौँ महानगरपालिका क्षेत्रमा भने फागुन १६ देखि २९ गतेसम्म खोप अभियान सञ्चालन हुने मन्त्रालयले जनाइएको छ । काठमाडौँ दादुरा–रुवेलाको अतिसङ्क्रमित जिल्ला हो । गत वर्ष काठमाडौँ जिल्लामा दादुरा–रुवेला फैलिँदा २ सय २५ जना सङ्क्रमित र एकजनाको मृत्यु भएको थियो । गत वर्ष १९ जिल्लामा यो महामारीका रूपमा फैलिएको स्वास्थ्य मन्त्रालयले जनाएको छ ।