बाेराभित्र भरुवा बन्दुक भेटियाे

१२ फागुन, राजविराज। सिरहा प्रहरीले शनिबार दुईवटा भरुवा बन्दुक बरामद गरेको छ। गोलबजार नगरपालिका १० धरमपुरको पोखरी बाँध नजिक प्रहरी टोली देख्नासाथ १०/१२ जनाको समूहमा रहेका व्यक्तिहरू फरार भएका थिए।

 प्रहरी पुग्दा उनीहरूले छोडेको बोराभित्र बारुद भरिएको दुईवटा बन्दुक बरामद गरिएको प्रहरीले जनाएको छ। प्रहरीले फरार व्यक्तिहरूको खोजी भइरहेको जनाएको छ।