कांग्रेसका राष्ट्रिय सभाका सांसदलाई आज प्रशिक्षण

१३ फागुन, काठमाडौं । नेपाली कांग्रेसले गत माग ११ गते सम्पन्न राष्ट्रियसभा निर्वाचनमा विजयी भएका आफ्ना सांसदहरुलाई आज प्रशिक्षण दिँदैछ । कांग्रेस संसदीय दलको कार्यालय सिंहदरवारमा विहान १० बजदेखि प्रशिक्षण कार्यक्रम राखिएको छ ।  

कांग्रेसको संसदीय दलले कांग्रेसबाट राष्ट्रिय सभामा निर्वाचित भएर आएका सदस्यहरूलाई प्रशिक्षण दिएको हो । बहालवाला र नवनिर्वाचित राष्ट्रिय सभामा कांग्रेसका सदस्यहरूलाई प्रशिक्षण एवं अन्तरक्रिया गर्न लागेको कांग्रेसले जनाएको छ । 

यो पटकको राष्ट्रियसभा निर्वाचनमा कांग्रेसका १० सांसद विजयी भएका छन् । सत्ता गठबन्धनमा भागबण्डा गर्दा १९ सीटमा भएको निर्वाचनमा कांग्रेसले १० सीट पाएको थिए । सत्ता गठबन्धनका उम्मेदवारमा कोशीबाट नेकपा माओबादीका उम्मेदवार एमालेका उम्मेदवारसँग पराजित भएकी थिइन् ।