हक र अधिकारका लागी कसैले ज्यान गुमाउन नपरोस् : अध्यक्ष चौधरी

दीपक शर्मा 
१४ फागुन, सुर्खेत । नागरिक उन्मुक्ति पार्टीका अध्यक्ष रेशमलाल थारूले हक र अधिकार प्राप्तिका अब  कसैले पनि ज्यान गुमाउनु नहुने बताएका छन्। सुर्खेतमा आयोजित भेटघाट तथा प्रशिक्षण कार्यक्रममा बोल्दै  चौधरीले पहिचानका लागी आवाज उठाउनेहरूलाई सम्मान गर्न आवश्यक भएको समेत बताएका छन् ।

देशमा पछिल्लो पटक भ्रष्टाचारले सीमा नाघेको बताउँदै विकासको एजेन्डाको विषयमा सबै राजनीतिक दलहरूको एउटै आवाज हुनुपर्ने बताएका हुन्। देशमा रहेका सबै जातजातिले आफ्नो  हक र अधिकारको लागी फेरी पनि आन्दोलन गर्नुपर्ने अवस्थाको अन्त्य हुनुपर्नेमा जोड दिए ।

साथै उनले आफू डिल्लीबजार कारागारमा रहेका बेला गठन गरेको पार्टीले जनताको मनमा बस्न सफल भएको हुँदा गएको पौष २६ गतेको महाधिवेशन पछि पार्टीले संगठन विस्तार गर्ने योजना बनाउँदै अगाडि बढेको समेत बताए । यो देश सबै नेपालीको भएको हुँदा हरेक नेपाली  नागरिकले म नेपाली हु भन्ने पहिचानलाई भोगाइराख्न राजनीतिक दलहरूले गम्भीर भएर सोच्नुपर्ने बेला आएको उनले जाेड दिए ।

सो अवसरमा नागरिक उन्मुक्ति पार्टीका केन्द्रीय उपाध्यक्ष महेन्द्र पुनले पार्टी कुनै जातजातिको नभई सम्पूर्ण नागरिकको हक र अधिकारलाई सुरक्षित गर्ने भएको हुँदा कुनै भ्रममा नपर्न आग्रह गर्नु भएको थियो । नागरिक उन्मुक्ति पार्टी सुर्खेतका अध्यक्ष बालकृष्ण थारूले कर्णाली प्रदेश हरेक दृष्टिकोणबाट पछाडि परेको हुँदा यसलाई सिहंदरबारले हेर्ने नजरमा परिवर्तन गर्नु पर्नेमा बताए ।

कार्यक्रममा केन्द्रीय सदस्य वन्दना चौधरी लगायतका वक्ताले हरेक नेपाली नागरिकले समान हैसियतका साथ बाेल्न, लेख्न र पढ्न पाउनुपर्ने बताए ।