जवाफ नदिए अर्को बैठक राप्रपाले अवरुद्ध गर्ने

१४ फागुन, काठमाडौं । राष्ट्रिय प्रजातन्त्र पार्टीले सरकारले विपक्षीले उठाएका प्रश्नको जवाफ नदिए अर्को  संसद बैठक अवरुद्ध गर्ने भएको छ । राप्रपाले मिटर ब्याज, लघुवित्त पीडित र दुग्ध किसानहरुको समस्या तत्काल सम्बोधन गर्न सरकारलाई चेतावनी दिँदै नभए संसदको आगामी बैठक अवरुद्ध गर्ने चेतावनी दिएको छ । 

प्रतिनिधिसभाको सोमबार बसेको बैठकमा विशेष समय लिएर बोलेका राप्रपा अध्यक्ष राजेन्द्र लिङ्देनले बालुकुमारी घटनामा दोषी ठहरिएका मन्त्रीको राजीनासँगै मिटरब्याज र लघुवित्त पीडित, दुग्ध उत्पादक किसानको भुक्तानीको मुद्दा संसदमा निरन्तर उठेको बताए । 

सरकारले सुनेर पनि नसुनेको, देखेर पनि नदेखेको जसरी बसेको भन्दै उनले भने, ‘सरकारले मिटरब्याज र लघुवित्त पीडित, दुग्य उत्पादक किसानको विषयमा आउने बैठकभित्र ठोस सम्बोधन गरेन भने राप्रपाले आउने बैठकबाट संसद अवरुद्ध गर्ने बताए ।