विपक्षीका प्रश्नको जवाफ दिन सरकारलाई सभामुखको रुलिङ

१४ फागुन, काठमाडौं । सभामुख देवराज घिमिरेले विपक्षी दलहरुले उठाएको विषयमा आगामी बैककमा जवाफ दिन सरकारलाई रुलिङ गरेका छन् ।

सोमबार बसेको प्रतिनिधि सभाको दोस्रो बैठकको सुरुमै सभामुखले आगामी बैठकमा जवाफ दिन सरकारलाई रुलिङ गरेका हुन् । यससँगै संसदको अवरोध हटेको छ ।

संसदको अर्को बैठक फागुन १८ गते बस्नेछ । आजको पहिलो बैठकमा नेकपा एमाले, राप्रपा र रास्वपाका सांसदहरुले सरकारले तत्कालै जवाफ दिनुपर्ने माग गरेका थिए । उनीहरुले सभामुखलाई कडा रुपमा सरकारलाई रुलिङ गर्नु पर्ने माग राखेका थिए ।