श्रीलङ्काले साना तथा मझौला उद्यमीलाई ऋण दिने

१५ फागुन, कोलम्बो । श्रीलङ्का सरकारले आर्थिक मन्दीबाट प्रभावित साना तथा मझौला उद्यमीहरू ९एसएमई० र अन्य व्यवसायीहरूलाई सहयोग गर्न २० अर्ब रुपैयाँ 'करिब ६४.५ मिलियन अमेरिकी डलर' ऋण उपलब्ध गराउने भएको छ । 

मन्त्रीपरिषद्का प्रवक्ता बन्दुला गुणवर्द्धनाले मंगलबार सो प्रयोजनका निम्ति एसियाली विकास बैंक 'एडिबी'को सहयोग प्राप्त हुने पत्रकार सम्मेलनमा बताए ।

प्रवक्ता गुणवर्द्धनाले नयाँ र स्थापित दुवै व्यवसायलाई १५ अर्ब रुपैयाँ '४८.३ मिलियन डलर' ऋणमा पहुँच प्रदान गर्ने र बाँकी ५ अर्ब रुपैयाँ '१६.१ मिलियन डलर' निष्क्रिय कर्जाको मारमा परेका साना तथा मझौला उद्योगका लागि विनियोजन गरिने बताए । ऋण संस्थाहरू मार्फत वितरण गरिनेछ ।