सरकारलाई दिएका निर्देशन कार्यन्यन नभएकोबारे जवाफ दिन सरोकार समितिले बोलायो प्रधानमन्त्री

१६ फागुन, काठमाडौं । राष्ट्रिय सभाको राष्ट्रिय सरोकार तथा समन्वय समितिको बैठकले प्रधानमन्त्री पुष्पकमल दाहाल प्रचण्डलाई सांसदका प्रश्नको जवाफ दिन बोलाएको छ । मंगलबार समितिको बैठक प्रधानमन्त्रीलाई बोलाइएको भएपनि अन्तिम समयमा स्थगित भएको थियो । 

बुधबार सिंहदरबारस्थित समितिको हलमा बिहान ११ बजे बैठक बोलाइएको छ । आजको बैठकमा समितिमा उठेका सवाल र निर्देशनहरूका विषयमा प्रधानमन्त्री प्रचण्डले जवाफ दिने कार्यसूची रहेको छ ।

विगतमा समितिले नेपाल सरकारलाई दिएका निर्देशन र ध्यानाकर्षण गराएका विषयहरूको हालसम्मको कार्यान्वयनको अवस्था साथै समितिको निरन्तर छलफलबाट पहिचान गरिएका सवालहरूमा छलफल गर्न प्रधानमन्त्रीलाई बोलाइएको र बैठकमा उनले जवाफ दिने कार्यक्रम रहेको समितिले जनाएको छ ।