मकवानपुरमा ४५ किलो चरेससहित ३ जना पक्राउ

१६ फागुन, मकवानपुर। भिमफेदी गाउँपालिका २ भैँसेबाट अवैध लागूऔषध चरेस ४५ किलो र गाँजा करिब ५ किलोसहित ३ जनालाई प्रहरीले पक्राउ गरेको छ ।

पक्राउ पर्नेहरूमा थाहा नगरपालिका ८ आग्राका ३० वर्षीय बिमल स्याङतान, कैलाश गाउँपालिका १ खोलाखर्कका ५२ वर्षीय चन्द्र बहादुर घलान र भिमफेदी गाउँपालिका १ किटनीका ३२ वर्षीय नवराज तामाङ रहेका छन् ।

प्रहरी चौकी भैँसेबाट खटिएको प्रहरीले पालुङबाट हेटौंडातर्फ जाँदै गरेको ना.४ ख ६०९१ नम्बरको बसलाई जाँच गर्ने क्रममा बसमा सवार उनीहरूलाई उक्त परिमाणको लागूऔषधसहित पक्राउ गरेको हो ।