उद्घाटन भयो भरतपुर आँखा अस्पतालको नवनिर्मित भवन

१८ फागुन, चितवन । भरतपुर आँखा अस्पतालको नवनिर्मित भवनको उद्घाटन भएको छ । भरतपुर महानगरपालिका ११ बाइपास रोडमा भरतपुर अस्पतालको जग्गामा बनेको आँखा अस्पतालको प्रधानमन्त्री प्रचण्डले शुक्रबार बिहान उद्घाटन गरेका हुन् ।

भरतपुर भ्रमण वर्षको उद्घाटन गर्न चितवन आएका बेला आँखा अस्पतालको साढे ३ तलाको सुविधा सम्पन्न भवनको उद्घाटन गरिएको हो । १३ करोड ५० लाख रुपैयाँ लागतमा अस्पाल भवन निर्माण गरिएको हो । कुल २५ हजार ५०० वर्ग फिट क्षेत्रफलमा बनेको भवनको फाउण्डेसन र फ्रेम स्ट्रक्चरर निर्माण शिवालय विल्डर्स काठमाण्डौंले ४ करोड ८३ लाख बयानब्बे हजारमा गरेको थियो भने, बाँकी काम अस्पताल आफैंले गरेको हो ।