राजनीति कहिल्यै आफ्नो नियन्त्रणमा हुँदैन : डा. शशांक कोइराला

१९ फागुन, काठमाडौं । नेपाली कांग्रेसका नेता डा. शशांक कोइरालाले राजनीति कहिल्यै आफ्नो नियन्त्रणमा नहुने बताएका छन् । शनिबार नेपाल शिक्षक संघ जिल्ला समिति ललितपुरको कार्यक्रममा बोल्दै उनले यस्तो बताएका हुन् ।

राजनीतिमा एउटा सुनिने तर अर्कै हुने गरेको उनले उल्लेख गरे । कहिल्यै पनि आफ्नो नियन्त्रणमा नआउने विषय भनेको राजनीति रहेको उनको भनाइ छ । उतारचढावमा रमाउन सक्नेले मात्र राजनीति गर्न सक्ने उनले बताए ।  

उनले भने, ‘राजनीति कस्तो हो भने एउटा कुरा सुनिन्छ, हुन्छ अर्कै कुरा । कहिल्यै पनि आफ्ने नियन्त्रणमा हुँदैन । तर त्यसमै रमाउन सक्नेले मात्रै राजनीति गर्नुपर्छ ।’