शालिन पोखरेलको घटना निष्पक्ष छानबिनको माग गर्दै अस्पताल अगाडि आफन्तको प्रदर्शन

२० फागुन, काठमाडौं । आइतबार त्रिभुवन विश्वविद्यालय शिक्षण अस्पताल अगाडि बालिकाका आफन्तले विरोध प्रदर्शन गरेको  छन् । उनीहरुले अस्पताल र होस्टेल विरुद्ध नारा जुलुस गरेका थिए ।

उनीहरू जबर्जस्ती अस्पताल छिर्न  खोजेपछि केही समय प्रहरीसँग धकेला धकेल भएको पनि थियो ।  केही प्रदर्शनकारीलाई प्रहरीले नियन्त्रणमा  पनि लिएको छ ।

चितवनको रत्ननगर नगरपालिका–१० स्थित एकता शिशु निकेतनको होस्टेलमा शालिन पोखरेल शङ्कास्पद रूपमा मृत फेला परेकी थिइन् ।

घटना अनुसन्धानका लागि प्रहरीले स्कुलका प्रिन्सिपल, भाइस प्रिन्सिपल र होस्टलको वार्डेनलाई पक्राउ गरेर अनुसन्धान गरिरहेको छ । शालिनका परिवारले बलात्कारपछि हत्या गरिएको आरोप लगाए पनि पोस्टमार्टम रिपोर्टमा बलात्कार नभएको देखिएको छ ।