नयाँ समीकरणका लागि एमाले, माओवादी र रास्वपा लगायतका दाैडधुप सुरु

२१ फागुन, काठमाडौं । वर्तमान सरकार ढलेसँगै राजनीतिक दलहरू आ–आफ्नो आन्तरिक छलफलमा जुटेका छन् । नेकपा (एमाले), माओवादी (केन्द्र), राष्ट्रिय स्वतन्त्र पार्टी र राप्रपा लगायतका दलहरू नयाँ समीकरण बनाउन आन्तरिक छलफलमा जुटेका हुन् ।

सोमबार बिहानैदेखि एमाले, माओवादी, रास्वपाका केन्द्रीय पदाधिकारिहरुको दौडधूप छन् । आइतबार राति नयाँ सहमतिका साथ जाने निर्णय भएपछि सोमबार पार्टीको आन्तरिक बैठक, छलफल र भेटघाटले तीव्रता पाएको हो । नयाँ समीकरणको नेतृत्व वर्तमान प्रधानमन्त्री प्रचण्डले नै गर्ने सहमति भएको बुझिएको छ ।