रवि लामिछाने उपप्रधानसहित गृहमन्त्री बन्ने

२१ फागुन, काठमाडाैँ । राष्ट्रिय स्वतन्त्र पार्टीका सभापति रवि लामिछाने उपप्रधानसहित उर्जा, सिंचाई र जलश्रोत वा  गृहमन्त्री हुँदैछन् । आफू र आफ्नो पार्टी रास्वपालाई जनताले प्रतिपक्षीमा बस्ने म्याण्डेट दिएको भन्दै सत्तालिप्सामा आफू नरहेको दावी गर्ने रवि लामिछाने अन्ततः एमालेसहितको प्रचण्ड सरकारमा सामेल हुने भएका छन् ।

आइतबार राति नेकपा माओवादी केन्द्रका अध्यक्ष पुष्पकमल दाहाल (प्रचण्ड) एमाले अध्यक्ष केपी शर्मा (ओली) लगायतका नेताहरुसँगकाे छलफलले उनी गृहमन्त्री बन्ने रास्वपा स्रोतले जानकारी दिए । 

आज हुने नयाँ मन्त्रिमण्डलमा एमालेबाट पदम गिरी, माओवादीबाट वर्षमान पुन मन्त्री बन्दैछन् ।