मिटरब्याज पीडित वार्ता टोलीका संयोजक कुशवाह पक्राउ [ फाेटाेफिचर ]

२३ फागुन, काठमाडौं । प्रधानमन्त्रीको सरकारी निवास बालुवाटार क्षेत्रमा प्रदर्शन गरेको आरोपमा मिटरव्याज पीडितका तर्फबाट वार्ता टोली संयोजक रहेका अवधेश कुशवाहसहित १३ जनालाई प्रहरीले पक्राउ गरेको छ । जिल्ला प्रहरी परिसर, काठमाडौंका एसपी नवराज अधिकारीले बालुवाटर वरपर प्रदर्शन गर्ने ४ महिला र ९ जना पुरुषलाई नियन्त्रणमा लिइएको जानकारी दिएका छन् 

मिटरब्याज तथा ठगीविरुद्ध किसान मजदुर संघर्ष समितिका अध्यक्ष अवधेश कुशवाहलाई निषेधित क्षेत्रमा प्रदर्शन गरको भन्दै प्रहरीले पक्राउ गरेको हो । उनी मिटरब्याज पीडितको तर्फबाट वार्ता गर्न बनाइएको टोलीको संयोजक हुन् ।

उनीहरुलाई प्रहरी वृत्त, मालीगाउँमा राखिएको छ ।  प्रहरीले पीडितलाई भृकुटीमण्डपबाट बुधबार निस्किन समेत रोक लगाएको थियो । मिटरब्याज पीडितले अध्यक्ष कुशवाहको नेतृत्वमा सरकारी वार्ता टोलीसँग वार्ता गरिरहेको थियो । तर, हालसम्म पटकपटक भएको वार्ता विना निष्कर्ष टुंगिएको थियो । अहिले सत्ता समीकरण फेरिएको अवस्थामा गृह मन्त्रालयमा राजनीतिक नेतृत्व रिक्त हुँदा वार्ता थप अनिश्चित बनेको छ ।