दुई नेता लिएर माधव नेपाल पुगे बालुवाटार

२३ फागुन, काठमाडौं । नेकपा एकीकृत समाजवादीका अध्यक्ष माधवकुमार नेपाल सचिवालय बैठक सकिएलगत्तै प्रधानमन्त्री भेट्न बालुवाटार पुगेका छन् । सचिवालय बैठकले प्रधानमन्त्री प्रचण्डसँग छलफल गर्न अध्यक्ष नेपाल, उपाध्यक्ष प्रमेश हमाल र महासचिव घनश्याम भूसाललाई जिम्मेवारी दिएपछि उनी बालुवाटार पुगेका हुन् । 

प्रचार विभाग प्रमुख जगन्नाथ खतिवडाले अध्यक्षसहित नेताहरू प्रधानमन्त्रीसँग वार्ता गर्न बालुवाटार गएको बताए । प्रधानमन्त्रीसँग स्पष्ट जिम्मेवारीसहितका विषयमा छलफल गरेपछि सरकारमा जाने समाजवादीको तयारी छ । बैठकमा दुई मन्त्रालय लिएर सरकारमा जाने निर्णय पनि भएको छ ।