बुढानीलकण्ठमा कांग्रेस सभापति देउवाको छुट्टै छलफल

२३ फागुन, काठमाडौं । बुधबार विहान नेकपा एकीकृत समाजवादीका अध्यक्ष माधव नेपालसँग छलफल गरेका कांग्रेस सभापति शेरबहादुर देउवाले साँझ तीन दलसँग छलफल गरेका छन् । माओवादी अध्यक्ष तथा प्रधानमन्त्री पुष्पकमल दाहाल प्रचण्डले नयाँ गठबन्धन बनाएपछि देउवा छुट्टै छलफलमा जुटेका छन् ।

देउवा निवास बुढानीलकण्ठमा लोसपा अध्यक्ष महन्थ ठाकुर, जनमत पार्टीका अध्यक्ष डा. सीके राउत र नागरिक उन्मुक्ति पार्टीका अध्यक्ष रेशम चौधरी लगायतका नेताहरु छलफलमा छन् ।

बैठकमा कांग्रेसका डा. शेखर कोइराला र गगन थापा पनि सहभागी छन् । तीनै अध्यक्षलाई फोन गरेर सभापति देउवाले भेट्न आग्रह गरेका थिए । उनीहरु केहिबेर अघि बुढानिलकण्ठ पुगेका हुन् ।