प्रधानमन्त्री प्रचण्डले प्रतिनिधि सभामा सम्बोधन गर्ने

२३ फागुन, काठमाडौं । प्रधानमन्त्री पुष्पकमल दाहाल प्रचण्डले प्रतिनिधि सभा बैठकलाई आज सम्बोधन गर्ने भएका छन् । सिंहदरबारमा नवगठित मन्त्रिपरिषद्को बैठकपछि उनले प्रतिनिधिसभामा सम्बोधन गर्ने भएका हुन् ।  मन्त्रिपरिषदको बैठक केहीबेर अघि सम्पन्न भएको छ । 

नयाँ सत्ता समीकरण बनाएपछि प्रचण्डले प्रतिनिधि सभाको बैठकलाई सम्बोधन गर्न लागेको उनको सचिवालयले जनाएको छ । यसअघि विपक्षमा रहेका दलहरूले कतिपय विषयमा सरकारको जवाफ मागेका थिए ।

यही फागुन १८ गतेको बैठकमा सभामुख देवराज घिमिरेले संसदमा उठेका विषयहरूमा जवाफ दिन सरकारलाई फागुन २१ गतेको दिन नै तोकेर रुलिङ गरेका थिए । फागुन २१ गते स्थगित भएको बैठक बिहीबार बस्दैछ ।