पथरीशनिश्चरेमा देखियो महामारी खोरेत रोग

२४ फागुन, मोरङ । मोरङको पथरी शनिश्चरे–८ मा गाई भैँसीमा खोरेत रोगको संक्रमण देखिएको छ । वडा नम्बर ८ को मंगलबारे प्रतीक्षा चौकमा पशुहरूलाई यो महामारी खोरेत रोग देखापरेको हो ।

हावाको माध्यमबाट सर्ने यो सरुवा रोगले पशुवस्तुको खुर सुनिएर कुहिने, उच्च ज्वरो आउने भएकोले सबै पशुपालक किसान सचेत रहन वडाले सूचना गरेको छ ।

यो रोग देखा परेपछि वडा न ८ का वडा अध्यक्ष नविन कार्कीले आजको दिनदेखि रोग निर्मुल नभएसम्म मंगलबारे वरपरका पशुहरूलाई बाहिर नलान सूचना जारी गरेका छन् । यो रोग विरुद्धको निःशुल्क खोप लगाउन सुरु गरि सकिएको वडा अध्यक्ष कार्कीले जानकारी दिए ।