जसपा अध्यक्ष यादव उपप्रधान तथा स्वास्थ्यमन्त्री बन्ने

२४ फागुन, काठमाडौं । जनता समाजवादी पार्टी (जसपा)बाट नयाँ मन्त्रीमण्डलमा दुई जना मन्त्री र एक राज्यमन्त्री सहभागी हुने भएका छन् । बिहीबार साँझ बसेको जसपाको कार्यकारिणी समिति बैठकले सरकारमा दुई मन्त्री र एक राज्यमन्त्री पठाउने निर्णय गरेको हो । 
 
जसपा प्रचार विभाग प्रमुख पूर्ण बस्नेतले पार्टी अध्यक्ष उपेन्द्र यादवले उपप्रधान तथा स्वास्थ्यमन्त्रीको जिम्मेवारी पाएको बताए । नवलकिशोर साह वन तथा वातावरणमन्त्री र दीपक कार्की स्वास्थ्य राज्यमन्त्री बनेका छन् ।