शिखर इन्स्योरेन्सको साधारणसभा कहिले ?

२५ फागुन, काठमाडौं । शिखर इन्स्योरेन्सले लाभांश प्रस्तावबिना नै वार्षिक साधारणसभा बोलाएको छ । जसअनुरुप लगानीकर्ताहरुको हात भने खाली हुनेछ ।

यसअघि नै सञ्चालक समिति बैठकले गत आर्थिक वर्षको नाफाबाट शेयरधनीलाई कुनै पनि लाभांश वितरण नगर्ने निर्णय गरेको हो । सभा चैत ९ गते बिहान ११ बजे शिखर इन्स्योरेन्सको केन्द्रीय कार्यालय शिखर विज सेन्टरमा सुरु हुनेछ ।

सभामा आर्थिक वर्ष २०७९–८० को वार्षिक प्रतिवेदन, नाफा–नोक्सान तथा नगद प्रवाह विषयमा पनि छलफल हुनेछ । साथै, साधारण सभाले संस्थापकतर्फ ३ जना र सर्वसाधारण १ जना सञ्चालक निर्वाचन गर्नेछ ।

सभा प्रयोजनका लागि कम्पनीले फागुन २७ गते बुक क्लोज गरिसकेको छ । फागुन २४ गतेसम्म कायम रहेका शेयरधनीले सभामा भाग लिन पाउने छन् । आज फागुन २५ शुक्रबार एव महाशिवरात्रि तथा २६ गते शनिबार भएकाले शेयर कारोबार हुँदैन ।