वीरगञ्ज कारागारमा निःशुल्क स्वास्थ्य शिविर सम्पन्न, ७० जनाको स्वास्थ्य परीक्षण

२६ फागुन, वीरगञ्ज । वीरगञ्ज कारागारमा निःशुल्क स्वास्थ्य शिविर सम्पन्न भएको छ । ११४ औँ अन्तर्राष्ट्रिय महिला दिवसका अवसरमा वीरगञ्ज कारागारमा रहेका महिलालाई लक्षित गर्दै स्वास्थ्य शिविरको आयोजना गरिएको वरिष्ठ फिजिसियन डा. निरज कुमार सिंहले जानकारी दिए ।

लायन्स क्लब अफ क्युरेटिभद्वारा आयोजित शिविरमा ७० जना महिलाको स्वास्थ्य चेकजाँच गरिएको डा.सिंहले बताए । शिविरमा फिजिसियन डा. सिंहसँगै बरिष्ठ मुटुरोग विशेषज्ञ डा. राधा भट्टराई, प्याथोलोजीस्ट डा. रामअवतार खेतान, डा. अभीषेक अर्याल र छाला रोग विशेषज्ञ डा. सुमन प्रसादले चेकजाँच गरेका थिए । सोही अवसरमा कारागारमा रहेका महिलालाई फलफूलसमेत वितरण गरिएको थियो ।