कांग्रेसबाट राष्ट्रिय सभा अध्यक्षको उम्मेदवार छान्न देउवाले बोलाए बैठक

२७ फागुन, काठमाडौं । राष्ट्रिय सभा अध्यक्षको उम्मेदवार कसलाई बनाउने भन्ने छलफलका लागि नेपाली कांग्रेस सभापति शेरबहादुर देउवाले संसदीय दल कार्यसमितिको बैठक बोलाएका छन् । बैठक आज ४ बजे धुम्बाराहीमा बोलाइएको छ ।

आजको बैठकमा राष्ट्रिय सभामा दलका नेता कृष्णप्रसाद सिटौला पनि सहभागी हुनेछन् । २९ फागुनका लागि तय भएको राष्ट्रिय सभा अध्यक्षको उम्मेदवारका विषयमा छलफल गर्न बैठक बोलाइएको हो । कांग्रेसबाट यसअघि कृष्णप्रसाद सिटौलाको नाम आएको भएपनि अब परिस्थिति फेरिएको छ ।

उनले पनि हार खानुपर्ने अध्यक्षको उम्मेदवार नबन्ने संकेत गरेका छन् । यत, संसदीय दल कार्यसमितिले पनि पूर्णता पाएको छैन । संसदीय दलको कार्यसमितिमा हाल सभापति शेरबहादुर देउवा, दुई महामन्त्री गगन थापा र विश्वप्रकाश शर्मा, प्रमुख सचेतक रमेश लेखक छन् । यसअघि उपसभापति पूर्णबहादुर खड्का पनि सहभागी हुँदै आएका थिए । आजबाट सिटौला पनि सहभागि हसनेछन् ।