कांग्रेसले राष्ट्रियसभा अध्यक्षमा शर्मालाई बनायो उम्मेदवार

२७ फागुन, काठमाडौं । नेपाली कांग्रेसले राष्ट्रिय सभाको अध्यक्षमा युवराज शर्मालाई उम्मेदवार बनाउने भएको छ । आइतबार बसेको कांग्रेस संसदीय दलको कार्यसमितिको बैठकले शर्मालाई अध्यक्षको उम्मेदवार बनाउने निर्णय गरेको हो । 

शर्माले आफूलाई अध्यक्षको उम्मेदवार बनाएको जानकारी दिएका छन् । राष्ट्रिय सभा अध्यक्षको निर्वाचन २९ फागुनमा हुँदैछ । नेकपा एमाले, नेकपा माओवादी केन्द्र र जनता समाजवादी पार्टीले राष्ट्रिय सभा चुनावमा गठबन्धन गर्ने निर्णय गरेका छन् । उनीहरूबीच माओवादी केन्द्रको उम्मेदवारलाई समर्थन गर्ने सहमति छ । 

नेपाली कांग्रेसका संसदीय दलका नेता शेरबहादुर देउवाको निजी सचिवालयका निजी सचिव केशवराज जोशीले फागुन २९ गते हुने निर्वाचनका लागि शर्मालाई उम्मेदवार बनाउने निर्णय भएको जानकारी दिए ।