ओली र नेपालबीच संवाद : पार्टी एकीकरणको अभ्यास
नेपालबहस संवाददाता
फागुन २८, २०८० सोमबार ९:३१:२
२८ फागुन, काठमाडौं । दुई वर्ष एमालेबाट विभाजन भएको नेकपा एसलाई एकीकरण गरेर नेकपा एमाले संसदमा सबैभन्दा ठूलो दल बन्ने कोसिसमा लागेको छ । एमाले र माधव नेपाल नेतृत्वको नेकपा एकीकृत समाजवादी (एस) बीच एकता गरेर संसदमा ठूलो दल हुने कोसिसमा एमाले लागेको स्रोतले जनाएको छ ।
संसदमा नेकपा एससँग रहेको १० सिट एमालेमा समाहित भए मुलुकको सबैभन्दा ठूला पार्टी हुने त्यसका लागि एमालेका नेताहरूले गोप्य रुपमै पहल गरेका छन् । एमाले अध्यक्षले नेताहरूलाई एसमा संगठित रहेका करिब २५ हजार कार्यकर्तालाई व्यवस्थापन गर्ने गरी खाका तयार पार्न निर्देशन समेत दिएको स्रोतको दावी छ ।
पार्टी केन्द्रदेखि जिल्ला कमिटीसम्मका नेताहरूलाई एकीकरण प्रकृयामा ल्याउने पर्ने भएकाले त्यही अनुसार खाका तयार पार्नुपर्ने एमालेको निष्कर्ष रहेको छ र पार्टी एकीकरणका लागि एमाले अध्यक्ष केपी शर्मा ओली पनि सकारात्मक बनेको स्रोतको दावी छ । ओली मात्र होइन नेकपा एसका नेताहरु पनि सकारात्मक बनेका छन् ।
एस पार्टीमा रहेका तल्लो तहका नेता कार्यकर्ताहरू एमालेमा फर्कन थालेपछि माथिल्लो तहका नेताहरूले पार्टीलाई मिलाउने कोसिस गरिरहेको स्रोतको दावी छ । ‘ नेकपा एसलाई तल्लो तहका कार्यकर्ताहरूले एकताका लागि पहल गर्न नेतृत्वलाई दबाब दिएका छन् , एकाध चरणमा यो विषयमा कुराकानी भएको छ’, नेकपा एसका एक नेताले भने ‘त्यसका लागि एमाले अध्यक्ष केपी ओलीले माधव नेपालसँग बसेर पहल गरे यसको समाधान निस्कन्छ ।’
यतिबेला एमाले अध्यक्ष ओली पनि माधव नेपालसँग सम्बन्ध सुधारमै रहेका छन् । एमाले अध्यक्ष ओली र नेपालबीच शनिवार मात्रै करिब अढाई वर्षपछि ‘सम्बन्ध सुधार’को एकल भेटघाट भएको थियो । नयाँ समीकरणमा सहभागी भएपछि शनिबार दुई नेताबीच भेटवार्ता भएको हो । तर यो भेटघाटलाई गोप्य राखिएको छ । शनिवार नै एमाले अध्यक्ष ओलीले प्रधानमन्त्री पुष्पकमल दाहालसँग गोप्य भेटघाट गरेका थिए । दाहाललाई भेटेपछि ओली सिधै माधव नेपाललाई भेट्न बबरमहलस्थित एक होटलमा पुगेका थिए ।
तत्कालीन नेकपा विभाजन नहुँदै ओलीविरुद्ध दाहाल र नेपाल ओलीविरुद्ध उत्रिएका थिए । त्यसले गर्दा माधव नेपाल र ओली बीचको सम्बन्ध निकै तिक्ततापूर्ण रहेको छ । तिक्तता बढ्दै गएपछि ओलीलाई संसदीय दलमा अल्पमतमा पार्ने प्रयास भएपछि उनले दुई पटक संसद् विघटन गरेका थिए । दुई पटक नै सर्वोच्च अदालतले संसद् विघटनको निर्णय बदर गरेपछि ओली र नेपालले फरक बाटो लिएका थिए । त्यसयता उनीहरुबिचको सम्बन्ध निकै तिक्ततापूर्ण रहेको छ । माधव नेपालको नाम लिएपछि केपी ओलीले मुख कुल्ला गर्नुपर्ने अभिव्यक्ति दिएपछि उनीहरूबीच सम्बन्ध विग्रँदै गएको थियो ।
२०७८ भदौमा पार्टी विभाजन भएपछि दुई नेताबीच बोलचाल बन्द थियो । पार्टी विभाजनकै कारण गत निर्वाचनमा ठूलो क्षति भएको निष्कर्ष एमालेले निकालेपछि दुई पार्टी तथा नेताबीच सम्बन्ध झनै चिसिएको थियो । यही फागुन २१ मा एमाले र माओवादीसहित दलहरूको नयाँ समीकरण बनेपछि गठबन्धनमा नेपाल नेतृत्वको एकीकृत समाजवादी पनि मिसिएको हो ।
एकीकृत समाजवादीलाई गठबन्धनमा सहभागी गराउन ओली र प्रधानमन्त्री पुष्पकमल दाहाल नेपाल निवास कोटेश्वर गएका थिए । त्यसयता ओलीले नेपाललाई फकाउने कोसिस गरिरहेका छन् । एमाले र एसका कार्यकर्ताहरूले यसलाई सकारात्मक रुपमा लिएका छन् । स्रोतका अनुसार कुरा मिलेमा र नेताहरूको व्यवस्थापन भएमा वैशाख महिनामै दुई पार्टीबीच एकता हुनेछ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपगृहमन्त्री लामिछाने र महान्यायाधिवक्ता पोखरेलविरुद्ध रिटको पेसी आज
जेठ १६, २०८१ बुधबार
एमालेको राष्ट्रिय महिला भेला आजदेखि
जेठ १६, २०८१ बुधबार
प्रतिनिधि सभाले बनायो सूर्य थापाको संयोजकत्वमा सहकारी ठगी छानबिनको संसदीय समिति
जेठ १५, २०८१ मंगलबार
सीमा सुरक्षा प्रहरी चौकी
नेपालबहस संवाददाता
जेठ १४, २०८१ सोमबार
के हो गृहमन्त्री लामिछानेको महिनावारी फण्डा ?
नेपालबहस संवाददाता
जेठ १५, २०८१ मंगलबार
लण्डनमा नेपाली दाजुभाइको 'स्क्वीज्ड' नामको नयाँ रेष्टुरेन्ट संचालनमा
जेठ १५, २०८१ मंगलबार
झापामा हुरीबतासले करोडौँको क्षति, विद्युत् आपूर्ति बन्द
जेठ १६, २०८१ बुधबार
इजरायलको राफाह आक्रमणपछि राष्ट्रसंघीय सुरक्षा परिषद्को आपतकालीन बैठक बोलाइयो
जेठ १५, २०८१ मंगलबार
चन्द्रागिरिले सवारी प्रदूषण नियन्त्रणमा कडाइ गर्ने
जेठ १६, २०८१ बुधबार
आफ्नै ठुलीआमालाई हत्या गरेको अभियोगमा पक्राउ
जेठ १६, २०८१ बुधबार
उत्तर कोरियाबाट फोहोरले भरिएका बेलुन दक्षिणतर्फ पठाइएको दावी
जेठ १६, २०८१ बुधबार
जापानका अनुसन्धानकर्ताद्वारा विश्वको पहिलो काठको उपग्रह निर्माण
जेठ १६, २०८१ बुधबार
गण्डकीको मुख्यमन्त्रीमा कांग्रेस संसदीय दलका नेता पाण्डे नियुक्त
जेठ १६, २०८१ बुधबार