राष्ट्रियसभा अध्यक्षको निर्वाचन आज हुँदै, गठबन्धनबाट दाहाल र कांग्रेसबाट शर्मा भिड्दै (यस्तो छ कार्यसूची)

२९ फागुन, काठमाडौं । राष्ट्रिय सभा अध्यक्षको चुनाव आज हुँदैछ । आज मंगलबार बिहान ११ः०९ बजे राष्ट्रिय सभाको निर्वाचन हुने संघीय संसदको सचिवालयका महासचिव पद्म प्रसाद पाण्डेयले जानकारी दिए ।
 
अध्यक्ष पदका लागि सत्ता गठबन्धनका तर्फबाट नारायण दाहाल र नेपाली कांग्रेसबाट युवराज शर्माले उम्मेदवारी दर्ता गराएका छन् । दाहाल प्रधानमन्त्री प्रचण्डका दाई हुन् । शर्मा बाँकेबाट राष्ट्रिय सभामा निर्वाचित सांसद हुन् । कांग्रेसभित्र शर्मालाई देउवा निकटका मानिन्छन् । 

नयाँ गठबन्धनको सरकार बनेपछि एमाले, रास्वपा, नेकपा एस, जसपा लगायतका दलले अध्यक्ष माओवादीलाई दिने सहमति भएको छ । उपाध्यक्ष एमालेले लिने गठबन्धनबीच सहमति भएको छ । राष्ट्रिय सभामा माओवादी प्रमुख दल हो ।