नेपाली कांग्रेस पदाधिकारी बैठक बस्दै

२९ फागुन, काठमाडौं । नेपाली कांग्रेसको पदाधिकारी र पूर्व पदाधिकारीको बैठक बस्दैछ । बैठक दिउँसो ३ बजे सभापति देउवा निवास बुढानिलकण्ठमा बैठक बस्नेछ । प्रतिपक्षमा पुगे पछि पार्टीले संसदमा खेल्नु पर्ने भूमिकाको विषयमा छलफल गर्न सभापति शेरबहादुर देउवाले बैठक बोलाएका हुन ।

प्रधानमन्त्री पुष्पकमल दाहाल प्रचण्डले कांग्रेससँगको सहकार्य तोडेर एमाले लगायतका दलहरूसँग नयाँ सरकार बनाएसँगै का‌ंग्रेसले आगामी रणनीतिबारे छलफलका लागि बैठक बोलाइएको हो । सो बैठकमा संसदमा प्रतिनिधित्व गर्न पार्टीका पदाधिकारी र पूर्व पदाधिकारी मात्रै उपस्थित रहने छन् ।