मितेरी डेभलपमेन्ट बैंकको संस्थापक शेयर बिक्रीमा

२९ फागुन, काठमाडौं । मितेरी डेभलपमेन्ट बैंकको ३ लाख २५ हजार कित्ता शेयर बिक्रीमा ल्याएको छ । मितेरी डेभलपमेन्ट बैंकले संस्थापक शेयरधनी सुलिन श्रेष्ठको नाममा रहेको ३ लाख २५ हजार कित्ता संस्थापक शेयर बिक्रीमा ल्याएको हो ।

यसमा विद्यमान संस्थापक शेयरधनीहरुले मात्र आवेदन दिन पाउनेछन् । शेयर खरिद गर्न इच्छुक संस्थापकले बुधबार (फागुन २९ गते) बाट ३५ दिनभित्र बैंकको केन्द्रीय कार्यालय महेन्द्रपथ, घरान १२, सुनसरी वा यस कम्पनीको शेयर रजिष्ट्रार प्रभु क्यापिटल कमलादी, काठमाडौंमा आफूले के कति शेयर खरिद गर्ने सो को ब्यहोरा खुलाई आवेदन फारम बुझाउन पर्नेछ ।

तोकिएको मितिभित्र विद्यमान संस्थापक शेयरधनीहरुले शेयर खरिद नगरेमा सो शेयर सर्वसाधारण लगानीकर्ताले समेत किन्न सक्ने गरी बिक्री खुला गरिनेछ ।