सत्ता गठबन्धनमा ७ बुँदे सहमति, यस्तो छ संयुक्त वक्तव्य

२९ फागुन, काठमाडौं । सत्ता गठबन्धनका दलबीच ७ बुँदे सहमति भएको छ । नेकपा एमाले, नेकपा माओवादी, राष्ट्रिय स्वतन्त्र पार्टी, जनता समाजवादी पार्टी, नेपाल र नेकपा एकीकृत समाजवादीका बीच ७ बुँदे सहमति भएको हो । मंगलबार बिहान बालुवाटारमा बसेको सत्तारुढ गठबन्धनको बैठकमा दलहरूबीच सहमति भएको हो ।

गत फागुन २१ गते बनेको सत्ता गठबन्धनले मंगलबार साँझसम्म संयुक्त वक्तव्य निकाल्ने भएका छन् । सत्ता गठबन्धनको बैठकमा एकीकृत समाजवादीका अध्यक्ष माधवकुमार नेपालका माग सम्बोधन गर्ने सहमति बनेको थियो ।

त्यसपछि संघीय संसद्मा १० जना सांसद रहेको एकीकृत समाजवादीले मंगलबार भइरहेको राष्ट्रिय सभा अध्यक्षको निर्वाचनमा नेकपा माओवादी केन्द्रका उम्मेदवार नारायण दाहाललाई सघाउन तयार भएको हो ।

त्यसैगरी प्रधानमन्त्री पुष्पकमल दाहाल प्रचण्डले बुधबार लिन लागेको विश्वासको मतको पक्षमा पनि उभिन एकीकृत समाजवादी तयार भएको छ । समाजवादीबाट यसअघि नै धनबहादुर बुढा र भानुभक्त जोशी नयाँ सत्ता गठबन्धन सरकारमा मन्त्री बनिसकेका छन् ।

यस्तो अवस्थामा फागुन २१ गते नेकपा एमाले, नेकपा माओवादी केन्द्र, राष्ट्रिय स्वतन्त्र पार्टी र जनता समाजवादी पार्टीका शीर्ष नेताहरूले ८ बुँदे संयुक्त वक्तव्य जारी गरेका थिए । फागुन २१ मै सत्ता गठबन्धनमा मिसिसकेको समाजवादीका अध्यक्ष नेपालले राखेका नयाँ मागलाई प्रधानमन्त्री प्रचण्ड र नेकपा एमालेका अध्यक्ष केपी शर्मा ओलीले सम्बोधन गर्ने प्रतिबद्धता जनाएका थिए । 

यस्तो छ संयुक्त वक्तव्य: