सिद्धार्थ प्रिमियरको पब्लिक डिरेक्टरमा सुमित केडिया नियुक्त

१ चैत, काठमाडौं । सिद्धार्थ प्रिमियर इन्स्योरेन्स लिमिटेडको पब्लिक डिरेक्टरमा सुमित केडिया नियुक्त भएका छन् । फागुन ३० गते काठमाडौंमा सम्पन्न भएको ३० औं वार्षिक साधारणसभाबाट केडिया नियुक्त भएका हुन् । 

उनले विगत लामो समयदेखि इन्स्योरेन्स तथा केडिया समूहका अन्य संस्थाहरूको विभिन्न पदमा रही नेपाली अर्थतन्त्रमा उल्लेखनीय योगदान गर्दै आएका छन् । उनको संलग्नतामा सिद्धार्थ प्रिमियरले आफ्ना ग्राहकहरूलाई थप सेवा प्रदान गरी नेपाली बीमा बजारमा आफ्नो अग्रणी स्थानलाई अझ बलियो बनाउने अपेक्षा गरिएको छ ।