चार जना सदस्यले योजना आयोगबाट दिए राजीनामा

२ चैत, काठमाडौं । अघिल्लो गठबन्धन सरकारले नियुक्त गरेका चार जना सदस्यले राष्ट्रिय योजना आयोगको सदस्य पदबाट राजीनामा दिएका छन् ।

आयोगका अनुसार डा. प्रभु बुढाथोकी, डा. आरपी बिच्छा, डा. अनिता शाह ढुंगाना र डा. जयकान्त राउतले राजीनामा दिएका छन् । अघिल्लो गठबन्धनमा नेपाली कांग्रेस तथा जनमत पार्टीको सिफारिसमा उनीहरु सदस्य बनेका थिए ।