चिनियाँ गठबन्धनमा सहभागी उपेन्द्र यादवको विरोध जनताको हक : वीपी यादव

२ चैत, राजविराज। राष्ट्रिय एकता अभियानका वरिष्ठ नेता वीपी यादवले पोस्टर घटनामा राष्ट्रिय एकता अभियानको कुनै संलग्नता नभएको बताएका छन् । उनले जनकपुरबाट राष्ट्रिय एकता अभियानका केही नेता तथा कार्यकर्तालाई प्रहरीले पक्राउ गरेको प्रति ध्यानाकर्षण भएको जनाउँदै उनीहरुको रिहाइको माग समेत गरेका हुन् ।

लोसपाका केन्द्रीय सदस्य समेत रहेका यादवले शुक्रबार प्रेस विज्ञप्ति जारी गरी  ‘संघीय सरकारको गृहमन्त्रीको निर्देशनमा जनकपुरबाट मनिष पुर्बे, पंकज झा र बीरगंजबाट उदय रौनियार र नवीन भट्टराईलाई प्रहरीले शंकाको भरमा पक्राउ गरेर थुनामा राखेकोले उनीहरुको रिहाइको माग गरेको हो ।
 
मधेसको भु–भागमा केही दिनदेखि प्रधानमन्त्री पुष्पकमल दाहाल र उप–प्रधानमन्त्री एवं स्वास्थ्य मन्त्री उपेन्द्र यादवको फोटो राखी गरिएको अमर्यादित कार्य प्रति हाम्रो ध्यान आकर्षित भएको जारी विज्ञप्तिमा उल्लेख छ । 

‘राष्ट्रिय एकता अभियानको उद्देश्य राष्ट्र, समुदाय, समाज र व्यक्तिहरूबीच एकता अर्थात जोडने न कि तोडने कार्यमा हाम्रो नेता र कार्यकर्ताको संलग्नता कहीं कतै छैन’ विज्ञप्तिमा भनिएको छ । 

पुष्पकमल दाहाल प्रचण्डको नेतृत्वमा १५ महिनाको अवधिमा ३ चोटि विश्वासको मत, १६ चोटि मन्त्रिमण्डलको पुनर्गठन र दोस्रो चोटि समीकरण अदलबदल गर्दा देश र जनताको लागि कदापि लाभदायक नभएको जनाउँदै व्यक्तिगत पदीय फाइदाको लागि चाईनिजको ईशारामा राता–रात समीकरण बदलेको यथार्थ कुराको शान्तिपूर्ण विरोध गर्नु जनताको संविधान अनुसारको हक भएको समेत यादवले आरोप लगाएका छन् । बताएका छन् ।

संविधान सभाका सदस्य समेत रहेका यादवले ‘राष्ट्रिय एकता अभियान चिनियाँ विस्तारवाद, ईस्लामिक आतंकवादको विरुद्ध एवं संघीय लोकतान्त्रिक हिन्दु गणतन्त्रको स्थापनार्थ संघर्षरत छन्’ विज्ञप्तिमा भनिएको छ ।