हेडक्वाटरमा तानिए सुन प्रकरणमा कारवाही सिफारिस भएका नुवाकोट प्रहरी प्रमुख थापा

३ चैत, काठमाडौं । नुवाकोट जिल्लाका प्रहरी प्रमुख संञ्जयसिंह थापाको सरुवा भएको छ । उनलाई शुक्रबार नै जिम्मेवारीबाट हटाएर प्रहरी प्रधान कार्यालयमा तानिएको छ । सुन तस्करीबारे छानबिन गर्न बनेको उच्चस्तरीय आयोगले कारबाही सिफारिस गरेपछि थापालाई जिम्मेवारीबाट हटाएर केन्द्रमा तानिएको हो । 

सुन तस्करीबारे छानबिन गर्न गठित जाँचबुझ आयोगले बिहीबार बुझाएको प्रतिवेदनमा अनुसन्धानमा सीआईबीबाट गम्भीर त्रुटि भएको भन्दै सीआईबी प्रमुख किरण बज्राचार्य, एसपी थापा, डीएसपी दुर्गा दाहाल र रुगम कुँवरलाई कारबाही सिफारिस भएको छ । सोही अनुसार थापा पनि प्रधान कार्यालय तानिएका हुन् । 

शुत्रबार नै सीआईबी प्रमुख बज्राचार्य, डीएसपी दाहाल र कुँवरलाई पनि प्रहरी प्रधान कार्यालय तानिएको थियो । अहिले सीआईबी प्रमुखमा श्याम ज्ञावाली पुगेका छन् । नुवाकोटबाट हटाइएका एसपी थापा र डीएसपी दाहालमाथि सुन तस्करी प्रकरणका अभियुक्त जीवन चलाउनेसँग ६० लाख रुपैयाँ मागेको आरोप छ । सीआईबीमा हुँदा उनले सुन तस्करीबारे अनुसन्धानको नेतृत्व गरेका थिए ।