आईसीसी अध्यक्ष ग्रेग आज नेपाल आउँदै

५ चैत, काठमाडौं । अन्तर्राष्ट्रिय क्रिकेट परिषदका अध्यक्ष ग्रेग बार्क्ले आज नेपाल आउँदैछन् । भारतको नयाँ दिल्लीमा आइतबार राति भएको वुमन्स प्रिमियर लिगको फाइनलमा सहभागी भएका उनी आज अपरान्ह काठमाडौँ आइ पुग्ने कार्यक्रम छ । 
 
उनी चार बजे त्रिभुवन अन्तर्राष्ट्रिय विमानस्थलमा आइ पुग्ने बताइएको छ । चार दिने नेपाल भ्रमणका क्रममा उनले प्रधानमन्त्री पुष्पकमल दाहाल प्रचण्ड, अर्थमन्त्री वर्षमान पुन, युवा तथा खेलकुदमन्त्री विराजभक्त श्रेष्ठ, राष्ट्रिय खेलकुद परिषद र क्रिकेट संघका पदाधिकारीसँग छलफल गर्ने कार्यतालिका छ ।